السبت، 15 يونيو، 2013

اليوم رحت عند صديقتي والد وسألتني امها هل اقدر اتحمل الدم و غرفه التشريح
صراحه ما كان عندي جواب وقلت لها اني ما جربت من قبل عشان اعرف
بس حقيقه ما مره فكرت بجديه بالموضوع انا بالنسبه للدم ما عندي مشكله لما حللت اشوف الدم يطلع للانبوب بس ما اقدر اشوف الابره واهي تدخل الجسم
ما ادري كيف راح اتصرف مع التشريح والابر والخياطه
الحين املي اني لما ادخل راح اتعود على الوضع بس كيف راح اتعامل معاه في البدايه ما عندي اي فكره DX

الجمعة، 14 يونيو، 2013

يوم الثلاثاء الي راح ولله الحمد طلعت النتائج وانقبلت طب بشري ولله الحمد
كنت اتغدا في ذيك اللحظه وصديقاتي يكموني على الواتس وانا مادري ايش السالفه ومومعاهم وحاولوا يكلموني بس جوالي كان بعيد وصامت وماحسيت خلصت غدا وقعدت شوي اشوف تلفزيون بعدين مسكت الجوال اشوف رسائل الواتس والا اشوف الدنيا معتفسه على النتائج ارتبكت كثيير وصارت يدي ترجف حاولت ادخل من الايباد بما انه قريب مني بس الموقع مو راضي يفتح جبت اللاب توب وفتحته وحاولت ادخل من جديد على الايباد لما اشتغل اللابتوب بس مادخل اخر شي دخلت من اللابتوب وفي اللحظه الي دخلت فيها وشفت مكتوب طب وجراحه حسيت اني في حلم وجاتني الصيحه اخيرا حلمي تحقق كلمت صديقاتي على طول وقلت لهم اني انقبلت والحمد لله كلهم معاي خبرت امي وابوي واخواني وخواتي والف حمد وشكر لربي كنت خايفه اني انقبل في شي ثاني بس الحمد لله انقبلت في الطب 

الثلاثاء، 11 يونيو، 2013

امس قالوا نتائج الرغبات بتطلع اليوم
 واليوم شكلهم غيروا رايهم والنتائج بتطلع بكره
انا قررت انساها بس مو قادره صاير كل تفكيري فيها
في قلبي خوف وثقه بربي انه ماراح يضيع تعبي وان الي بنقبل فيه هو الخير والصلاح لي
الله يسهل يارب ويصبرني لبكره وافرح بالنتيجه من قلبي

الأحد، 9 يونيو، 2013

في المرحله الثانويه كان حلمي اني ادخل الجامعه وكان كل خيالي ان الجامعه عالم اخر منظم و جميل 
دخلت الجامعه ولله الحمد صحيح انها تجربه جدا جميله بس للاسف اكتشفت ان طالما انا في السعوديه لازم انسى موضوع التنظيم
الجامعه جداً فوضه ومافي اي حس للتنظيم بس عموما بعد مرور سنه تعودت على الوضع 
الحين بعد انتهاء الاختبارات احس بفراغ غير طبيعي خصوصاً اني كنت من قبل ولطوال سنه كامله مشغوله ١٠٠٪ فعلاً نسيت معنا كلمه فراغ خلال هذي السنه
الحين وبما اني فاضيه وانتظر التخصص >> انا طالبه سنه اولى مسار صحي بانتظار قبول التخصص 
شغلتي الوحيده  هي متابعه الافلام بس احس بملل من هالشي فقررت اسوي هالمدونه لمجرد ال
مثل ماقلت لكم انا طالبه مسار صحي بانتظار التخصص واحس اني تعبت نفسيا من الانتظار هذا الاسبوع احسه من اطول الاسابيع الي مرت علي في حياتي
دعواتكم لي الله يوفقني وانقبل في الطب ياكرييم يا الله 🙌